செப்டம்பர் -

#இந்த முறை, மழை மும்பையை விடமட்டாமல் அடம் பிடிக்கிறது..

#மோடி அமெரிக்கா விஜயம்.. அமெரிக்கன் இன்டியன்ஸ், இந்தியன்  அமெரிகான்ஸ்,அண்ட் ஆல் இன் ஆல் அமெரிகான்ஸ் எல்லாரும் புதுத்துணி எடுத்து வீட்டுக்கு வெள்ளையடித்து கொண்டாடுகிறார்கள்... திரும்பி வரும்போது விமானம் நிறைய டாலர்ஸ் கொண்டுவரப்போகிறார்.. இந்தியாவுக்கும் மோடிக்கும் குரு பார்வை..

#விஜய் என்ற புலியாய் வளர்க்கப்பட்ட புலி, டெல்லி ஜூவில் புலிப்பள்ளத்தில்  தானாக விழுந்த ஒருவரை தாக்கி கொன்ற வீடியோ வாட்சப் ஊர்வலம் வருகிறது. ஜூவிலேயே பிறந்து வளர்ந்த விஜய், தாக்குதல் கொல்லுதல்  எல்லாம் அறியாத விஜய், என்ன செய்யலாம் வந்து விழுந்தவனை என்று யோசித்து நிற்கையில், நமது திருவாளர் பொதுஜனம் கத்தி கல்எறிந்து, புலி என்ற விஜய்க்குள் இருந்த மிருகத்தை எழுப்பிவிட்டு,  விஜயை கொலைகாரனாக்கிவிட்டது.. வாட்சப் வீடியோ இந்நேரம் விஜய்க்கும் வந்திருக்கும்..

#மங்கல்யான் செவ்வாயை நெருங்கி சுற்ற ஆரம்பித்துவிட்டது.. ஷங்கரின் அடுத்த படத்துக்கான லோகஷன் தயார்..   ISRO  பூமியின் ஒட்டுமொத்த மூவர்ஸ் அண்ட் பேக்கர்ஸ் ஆகும் நாள் வெகு தூரத்தில் இல்லை..  செவ்வாயே  நமக்கு கூப்பிடும் தூரம்தான்..

#ஐந்தில் வளையாதது ஆறில் வளைகிறதே? #iphone6

#சிவசேனா  பஜாபாவை மகாராஷ்டிராவின் எதிரி என்கிறது.. First  day  after the divorce .. போகப்போக என்னவெல்லாம் படிக்க நேரிடுமோ.. பயமாக இருக்கிறது..

#டைம்ஸ் ஒப் இந்தியா என்கிற  ஷாப்பிங் லிஸ்ட் கம் ப்ராடக்ட் கேட்லாக் தினம் வீடு வருகிறது.. மாதக்கடைசியில் எடைக்குப்போட்டால் போட்டா காசு ரிடர்ன்.. நஷ்டமேதுமில்லை... நீங்கள் ஷாப்பிங் செய்தால் கம்பனி பொறுப்பில்லை....